काठमाडौं । नेपाल प्रहरीका पूर्वडीआईजी रमेशप्रसाद खरेल काठमाडौं क्षेत्र नम्बर १ बाट चुनाव लड्ने भएका छन् ।
नेपाल सुशासन पार्टीका अध्यक्षसमेत रहेका खरेलले आगामी प्रतिनिधिसभा निर्वाचनमा सो क्षेत्रबाट लड्ने घोषणा गरेका हुन् ।
यसअघि खरेल काठमाडौं महानगरपालिकाको मेयरमा उम्मेदवारी दिने तयारी गरेको बताइए पनि अन्तिम समयतिर उनी ब्याक भएका थिए । मेयरमा उठ्नुभन्दा सांसदमा उठ्नु ठीक भन्ने धेरैले सल्लाह दिएको उनले बताए ।
काठमाडौं –१ लाई प्रकाश मान सिंह र रविन्द्र मिश्रको पकड क्षेत्र मानिन्छ ।
