एजेन्सी । जस्टिन बिबर विश्वका चर्चित पप गायक मध्येका एक हुन् । गायकले हालै आफ्नो एल्बम ‘जस्टिस’को प्रवद्र्धनका लागि विश्वका विभिन्न देशको भ्रमण गर्ने घोषणा गरेका थिए ।
यद्यपि केही दिन पछि गायकले आफ्नो भ्रमण स्थगित गरे । यो खबर सुनेपछि विश्वभर फैलिएका उनका फ्यान निराश बनेका छन् ।
यसै क्रममा गायकले सामाजिक सञ्जालमा एउटा भिडियो सार्वजनिक गर्दै यसको पछाडिको कारण खुलाएका छन् । भिडियोमा गायकले आफ्नो आधा अनुहार पक्षाघात भएको खुलासा गरेका छन् ।
जस्टिन बिबरले आफू ‘रामसे हन्ट सिन्ड्रोम’बाट पीडित भएको खुलासा गरेका छन्, जसका कारण उनको अनुहार पक्षाघात भएको छ ।
भिडियोमा आफ्नो अवस्थाको बारेमा कुरा गर्दै गायकले भने, ‘तपाईंले देख्न सक्नुहुन्छ, म मेरो एक आँखा झिम्काउन सक्दिनँ । म मेरो अनुहारको यो छेउमा हाँस्न पनि सक्दिन । मेरो शो रद्द हुनुको कारण । यसबाट निराश छु, म उनीहरूलाई भन्न चाहन्छु कि म यस समयमा शारीरिक रूपमा सक्षम छैन । मलाई आशा छ कि तपाईंहरूले बुझ्नुहुनेछ।’
