शुक्रबार बिहान मुग्लिन–पोखरा सडक खण्डअन्तर्गत तनहुँको आँबुखैरेनी गाउँपालिका–४ मा भएको दुर्घटनामा परेका दुई जनाको शव फेला परेको छ ।
सो स्थानमा शुक्रबार बिहान करिब ४ः३० बजे बा १० च ४६७९ नम्बर लेखिएको कारको हुटर मात्र फेला परेको छ भने कारको अवस्था र त्यसमा रहेका व्यक्तिको अवस्था अज्ञात छ ।
सशस्त्र प्रहरी बल विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक उमेश काफ्लेको कमाण्डमा गएको गोताखोरसहितको टोलीले उद्धार गर्ने क्रममा ग १५ प २९५३ नम्बरको मोटोरसाइकलमा सवार अनुमान गरिएका गोरखा सिरानचोक घर भएका ३५ वर्षीय केशव घिमिरे र अर्का एक व्यक्तिको शव निकालेको छ ।
बा ३३प १०८१ नम्बरको मोटरसाइकल हराइरहेको र सो मोटरसाइकलमा सवार व्यक्ति सुरक्षित रहेको बुझिएको छ । सडकमा गुडिरहेको कार र मोटरसाइकल सडक भासिएसँगै दुर्घटनामा परेका थिए ।
