काठमाडौं । सत्तारुढ गठबन्धन नेकपा (माओवादी केन्द्र) संसदीय दलका प्रमुख सचेतक तथा सांसद देव गुरुङले एमसीसी सम्झौतासँगै पेस हुन लागेको व्याख्यात्मक घोषणाका कारण यसलाई सकारात्मक रुपमा लिनुपर्ने बताएका छन् ।
एमसीसी सम्झौतामाथिको छलफलमा भाग लिँद उनले भने, ‘सुरुमा नेपालको कानुनहरु निस्क्रिय हुने र अमेरिकी कानुन हावी हुने भएको थियो । यस प्रकारको सम्झौता संशोधन नगरी हुँदैन भनेर हाम्रो पार्टीले सुरुदेखि भन्दै आएको अवस्था हो । माओवादी केन्द्र लगायतका केही घटकका बीचमा संशोधनको कुरा आकर्षण हुनेगरी घोषणा आउने कुरा सुन्नमा आएको छ । यो सकारात्मक छ ।’
यस्तै, उनले दलहरूबीच भएको सहमति र त्यसअनुसारको घोषणा संसदमा ल्याउन माग पनि गरेका छन् ।
