काठमाडौं। बिहीबार प्रतिनिधिसभाको बैठकमा बोल्दै सांसद एमाले सांसद भीम रावलले काठमाडौंमा फोहोर नउठेर संकटकालको अवस्था सिर्जना हुँदा सरकार मौन बसेको आरोप लगाएका छन् ।
‘महानगरको मात्र जिम्मेवारी होइन, सरकारको पनि हो । ठूलाठूला कुरा गरेर मात्र हुँदैन प्रधानमन्त्रीज्यू, फोहोर उठाउन नसक्ने सरकारले कसरी आर्थिक विकास गर्छ,’ रावलको प्रश्न रहेको थियो ।
मानव स्वास्थ्यमा गम्भीर संकट निम्तिने अवस्था सिर्जना हुँदा पनि महानगरको काम भन्दै सरकार पन्छिएको रावलको आरोप लगाएका हुन् । प्रतिनिधि सभा बैठकमा यतिबेला बजेटमाथिको छलफल जारी छ ।
