![](https://newspolar.com/wp-content/uploads/2022/06/nepali-ceicket-teem-usa.jpg)
काठमाडौं । आईसीसी पुरुष विश्वकप लिग २ अन्तर्गतको सिरिजका लागि अमेरिका भ्रमणमा रहेको नेपाली टोलीले आज ओमानसँग खेल्दैछ । खेल मोसो क्रिकेट मैदानमा नेपाली समयानुसार राति ९ः१५ बजे शुरु हुनेछ ।
नेपाल र ओमान दुवै टिम आजको खेल जित्न सुखद् नतिजाको पक्षमा मैदान उत्रिनेछन् । नेपालले १२ खेलबाट १२ अंक जोड्दै अंकतालिकाको छैटौं स्थानमा छ भने ओमान ३२ खेलबाट ४० अंक जोड्दै पहिलो स्थानमा छ ।
तीन देश सम्मिलित सिरिजमा अमेरिका, नेपाल र ओमान छन् । नेपालले सिरिजको दोस्रो खेल अन्तर्गत जुन ११ मा अमेरिकासँग खेल्नेछ । त्यस्तै ओमानबिरुद्ध जुन १४, र अमेरिकाबिरुद्ध जुन १५ मा खेल हुनेछ ।