पेरिस । रुसी राष्ट्रपति भ्लादिमिर पुटिनलाई रुसले युक्रेनमा आक्रमण गरेका कारण अन्तर्राष्ट्रिय जुडो महासङ्घ (आईजेएफ) को मानार्थ अध्यक्ष पदबाट निलम्बन गरिएको खेलकुदको प्रशासकीय निकायले आइतबार घोषणा गरेको छ ।
द्वन्द्व चौथो दिनमा प्रवेश गरेको छ र मस्कोले आफ्ना सेनाहरूलाई युक्रेनमा ‘सबै दिशाबाट’ अगाडि बढ्न आदेश दिएको छ । पश्चिमी मुलुकहरुले शनिबार थप प्रतिबन्ध लगाएको छ जसले रूसको बैंकिङ क्षेत्रलाई अपाङ्ग बनाउन खोजेको छ।
युक्रेनी अधिकारीहरूले बिहीबार बिहान रुसले आक्रमण गरेपछि तीन बालबालिकासहित १९८ सर्वसाधारण मारिएको बताएका छन्।
“युक्रेनमा जारी युद्धको प्रकाशमा… अन्तर्राष्ट्रिय जुडो महासङ्घले भ्लादिमिर पुटिनको मानार्थ अध्यक्ष र अन्तर्राष्ट्रिय जुडो महासङ्घको राजदूतको हैसियत निलम्बन गरेको घोषणा गर्दछ”, आईजेएफले विज्ञप्तिमा भनेको छ ।
एक कुशल जुडो खेलाडीका रुपमा पुटिनलाई सन् २०१४ मा आठौँ डनले सम्मानित गरिएको थियो । यो सम्मान खेलको उच्चस्तर मध्ये एक हो । उनी सन् २००८ देखि मानार्थ अध्यक्ष छन्।
