आगो लगाएर दार्चुलामा एक महिलाको हत्या भएको छ । शैल्यशिखर नगरपालिका– १ बारिलकी ४० वर्षीया एकल महिला अनभा खडायतको आगो लगाएर हत्या भएको प्रहरीको भनाइ छ ।
प्रहरीका अनुसार घर नजिकै रहेको खरको थुप्रोमा आगो लगाएर उनको हत्या भएको हो । प्रहरीले घटनाको अनुसन्धान गरिरहेको छ ।
उनको शव डढेको अवस्थामा मंगलबार राति नै फेला परको र प्रहरीलाई खबर गरेको वडाध्यक्ष भरतबहादुर खडायतले बताए ।
ती महिलाको श्रीमान्को करिब आठ वषअघि नै मृत्यु भएको बताइएको छ । मृतकका एक छोरा र दुई छोरी छन् । अनुसन्धानका क्रममा प्रहरीले सोही गाउँका वीरेन्द्र खडायत र तुला खडायतलाई पक्रेको छ ।
