२० आश्विन २०८१, आईतवार
,
Latest
प्रधानमन्त्री दैवी प्रकोप उद्धार कोषमा १० करोड २६ लाख सहयोग न्यायपालिकाको साख र विश्वसनीयता कायमै राख्नेछु : प्रधानन्यायाधीश चितवनमा पहिलोपटक प्रभु बैंकको एजुकेशन हबको शुभारम्भ प्रमुख शाहसँग कतारका राजदूत अन्सारीको शिष्टाचार भेट नेपाली सेनाद्वारा सुनकोशी नदीमा बेलिब्रीज जडान कार्य सुरु दुर्गा पक्षको चौथो दिन कुष्माण्डाको पूजाआराधना प्रधानमन्त्री दैवी प्रकोप उद्धार कोषमा ग्लोबल आइएमई बैंकसहित आइएमई ग्रुपको पाँच करोड सहयोग विद्युत व्यापारका लागि चीनसँग पनि कुरा गरिराखेका छौँ: मन्त्री खड्का प्रधानमन्त्री उद्धार कोषमा आइएमइ ग्रुपबाट पाँच करोड हस्तान्तरण प्रधानमन्त्रीलाई माओवादी केन्द्रको ध्यानाकर्षण, विपत्तिको सामनामा सरकारले अगुवाइ गर्छ : प्रधानमन्त्री ओली
तपाईं के खोज्दै हुनुहुन्छ ?

बागलुङ नगरपालिकामा ‘फ्रण्ट डेक्स’ सञ्चालनको तयारी



अ+ अ-

गलकोट । बागलुङ नगरपालिकाले सेवाग्राहीको सजिलोका लागि ‘फ्रण्ट डेक्स’ सञ्चालनको तयारी थालेको छ । नगरकार्यपालिकाको तेस्रो कार्यपालिका बैठकले आम नागरिकको सहजताका निम्ति ‘फ्रण्ट डेक्स’ सञ्चालन गर्ने निर्णय गरको हो । ‘फ्रण्ट डेक्स’ स्थापनासँगै नगरपालिका भित्र छिर्ने वित्तिकै कहाँ के गर्ने भनेर अब सेवाग्राही अलमलिनुपर्ने अवस्थाको अन्त्य हुने नगरप्रमुख वसन्तकुमार श्रेष्ठले बताउनुभयो ।

नगरपालिकाबाट प्रदान हुने हरेक सेवालाई चुस्त दुरुस्त र यहाँ हुने वेथितिको अन्त्यका लागि डेक्स सञ्चालन गरिने श्रेष्ठको भनाइ छ । “यो डेक्स सञ्चालनसँगै यहाँ बस्ने कर्मचारीले सेवाग्राहीले कुन सेवा लिन आएको हो त्यो सबै बुझ्नेछन्, के के कागजात आवश्यक पर्ने छ, त्यसको बारेमा पनि जानकारी गराउनेछन्”, श्रेष्ठले भन्नुभयो–“कुन कामलाई कति समय लाग्ने, कामको प्रकृति हेरेर कर्मचारीले सेवाग्राहीलाई जानकारी दिनेछन्, सेवाग्राहीलाई कुपन प्रदान गरिनेछ, तोकिएको समयमा काम सम्पन्न हुनेछ, प्रत्येक शाखा शाखामा धाउनुपर्ने छैन ।”

सबै सेवाग्राहीलाई एउटै दृष्टिकोणले सेवा प्रदान गरिने उद्देश्यका साथ नगरपालिकाले नागरिक सेवा प्रवाहलाई प्रभावकारी बनाउने निर्देशिका २०७९ नै निर्माण गरेर यो कामलाई अगाडि बढाएको नगरपालिकाका प्रमुख प्रशासकीय अधिकृत पुरुषोत्तम सापकोटाले जानकारी दिनुभयो ।

‘फ्रण्ट डेक्स’मा एक अधिकृत, एका इन्जीनियर सहित पाँच जना कर्मचारी हुनेछन् र कुन शाखामा सम्बन्धीत काम हो उनिहरु मार्फत नै हुने उहाँले बताउनुभयो । सबै नागरिकलाई समान रुपमा सेवा प्रदान गर्नका निम्ती डेक्सको स्थापना गर्ने निर्णय गरिएको सापकोटाले जानकारी दिनुभयो । सेवा प्रवाह निर्देशिकालाई राजपत्रमा प्रकाशित गरी कार्यान्वयन गर्ने उहाँले बताउनुभयो ।