एजेन्सी । एरिया ५१ को नाम सुन्नुभएको छ होला । सायद कतिपय मानिसहरुलाई यसको बारेमा जानकारी नै नभएको पनि हुन सक्छ ।
अमेरिकाको नेवादा मा रहेको यस ठाउँ विश्वकै सबैभन्दा रहस्यमयी ठाउँ मानिन्छ । अहिले सामाजिक सञ्जालमा यस ठाउँको विषयमा चर्चा भएको छ ।
किनभने ‘इमर्सिव इन्टरटेन्मेन्ट’ नामको एक कम्पनीले एरिया ५१ मा खोजतलासी गर्ने घोषणा गरेको थियो । जसको मुख्य उद्देश्य त्यस स्थानमा एलियन्स अर्थात परग्रही भेट्न सकिने अनुमान गरिएको छ । उक्त एरिया ५१ मा एलियनहरुलाई बन्धक बनाएर राखिएको कम्पनीले जिकिर गरेको छ ।
यता रिपोर्टका अनुसार भने एरिया ५१ मा अमेरिकाको एयर फोर्स बेस रहेको बताइएको छ , तर यसभित्र के रहेको छ यो पूर्णरुपमा गोप्य राखिएको छ । बीबीसीका अनुसार एरिया ५१ लाई अमेरिका तथा सोभियत संघको बीचमा भएको शीत युद्धबखत विमानलाई परिक्षण र विकासका लागि बनाइएको जनाएको छ ।
यो ठाउँ सन् १९५५ मा खुला गरिएको थियो । तर कैयौं वर्षसम्म पनि यस स्थानको बारेमा मानिसहरुलाई थाहा थिएन । अमेरिकी सेना अत्याधुनिक विमानहरुलाई विकसित गर्नका लागि एरिया ५१ को उपयोग गर्ने पनि मानिन्छ ।
