काठमाडौँ । नेकपा (माओवादी केन्द्र)का अध्यक्ष पुष्पकमल दाहाल प्रचण्डले काठमाडौँ र धरानको मेयरमा स्वतन्त्र उम्मेदवारको जितलाई माओवादीले सबकका रुपमा लिनुपर्ने बताउनुभएको छ ।
गत वैशाखमा सम्पन्न स्थानीय तह सदस्य निर्वाचनबाट निर्वाचित जनप्रतिनिधिलाई स्थानीय तहबाटै समाजवादको आधार तयार गर्न निर्देशित गर्ने उद्देश्यले आयोजित दुईदिने प्रशिक्षण कार्यक्रममा उहाँले काठमाडौँ महानगर र धरान उपमहानगरको मेयरमा जितेका उम्मेदवारले माओवादीले जस्तै धारा, पानी, फोहोरको मुद्दा उठाएर जितेको बताउनुभयो ।
उहाँका अनुसार माओवादीले राम्रोसँग काम गरेको नदेखेपछि जनताले सबक सिकाएको बताउनुभयो । तर पनि काठमाडौँ र धरानजस्तै देशभर नै अब स्वतन्त्र उम्मेदवारले नै जित्छन् भन्ने नभएको उहाँको भनाइ थियो । स्वतन्त्रले नै राज्य चल्ने कुरा बिल्कुल नभएको उहाँले बताउनुभयो ।
