पोखरा । नेकपा एकीकृत समाजवादीका नेता किसान श्रेष्ठले आफू एक्लै भए पनि नेकपा एमालेलाई भारी हुने बताएका छन् ।
गण्डकी प्रदेशबाट नेकपा एकीकृत समाजवादीमा प्रतिनिधित्व गर्ने एकमात्र संघीय सांसद रहेका श्रेष्ठले आज पोखरामा आयोजित कार्यकर्ता भेलालाई सम्बोधन गर्दै यस्तो बताएका हुन् ।
‘कास्की एमालेको गण भनेर चिनिए पनि अहिले ९९ प्रतिशन जनता एकीकृत समाजवादीको पक्षमा छन् ।’ सांसद श्रेष्ठले भने ‘गण्डकीमा माधव नेपाललाई कमजोर भनियो । उनीहरु (एमाले) १२/१३ जना छन्, प्रतिनिधि सभामा आफू एक्लो भए पनि म एक्लै भारी पर्नेछु ।’
