• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो ★   हवाई टिकटमा १३ प्रतिशत अतिरिक्त कर व्यवस्थाले पर्यटन क्षेत्र निरुत्साहित भयो: अध्यक्ष ढकाल ★   मुम्बई लगातार दुई खेलमा पराजित भएपछि कप्तान पाण्ड्याको आलोचना ★   एमडीएमएस खरिद प्रकरण: दूरसञ्चार प्राधिकरणका २० जनाविरुद्ध मुद्दा दायर ★   प्रतिस्पर्धाको अभावले अष्ट्रेलियाको जीवनस्तर तथा उत्पादकत्वमा गिरावट: रिपोर्ट ★   नेप्से परिसूचकमा सामान्य अङ्कको वृद्धि ★   हिमालमा हेलिकप्टरले बचाउँदै पर्यटकको ज्यान ★   स्वरोजगार महिलालाई उपमहानगरको सम्मान ★   राष्ट्रपति रनिङ सिल्डका लागि राष्ट्रपतिलाई निमन्त्रणा

बालेन साहले लिए काठमाडौँ महानगरपालिकाको प्रमुखको सपथ ग्रहण



काठमाडौँ । काठमाडौँ महानगरपालिकाका नवनिर्वाचित प्रमुख बालेन्द्र साह (बालेन) ले पद तथा गोपनीयताको सपथ लिनुभएको छ ।

उहाँलाई प्रमुख निर्वाचन अधिकृत तथा जिल्ला न्यायाधीश राजकुमार खतिवडाले पद तथा गोपनीयताको सपथ गराउनुभएको हो । नवनिर्वाचित प्रमुख साहले नेपाल भाषामा समेत पद तथा गोपनीयताको सपथ लिनुभएको थियो ।

राष्ट्रिय सभागृहमा आयोजित समारोहमा नवनिर्वाचित प्रमुख बालेन साहले महानगरपालिकाका नवनिर्वाचित उपप्रमुख सुनिता डंगोल, वडाध्यक्षहरु तथा वडासदस्यहरुलाई पद तथा सपथ गराउनुभयो ।

यसअघि मुख्य निर्वाचन अधिकृत खतिवडाले महानगरपालिकाका नवनिर्वाचित साह, उपप्रमुख डंगोल तथा सम्पूर्ण वडाध्यक्ष र वडासदस्यहरुलाई प्रमाणपत्र वितरण गर्नुभएको थियो ।

काठमाडौँ महानगरपालिकाको हालै सम्पन्न निर्वाचनमा प्रमुख पदमा स्वतन्त्र उम्मेदवार भई बालेन साह निर्वाचित हुनुभएको थियो । उहाँले सत्ता गठबन्धनका तर्फबाट नेपाली कांग्रेसका उम्मेदवार सिर्जना सिंह र नेकपा (एमाले) का उम्मेदवार केशव स्थापितलाई पराजित गर्नुभएको थियो ।

यसैगरी उपप्रमुख पदमा एमालेकी डंगोल निर्वाचित हुनुभएको थियो ।