काठमाडौं । सरकार आगामी आर्थिक वर्ष ०७९ / ८० को आय तथा व्ययको बिवरण बजेट आज ल्याउँदैछ । दिउँसो ४ बजे अर्थमन्त्री जनार्दन शर्माले संघीय सदनको संयुक्त बैठकमा बजेट प्रस्तुत गर्नुहुने छ ।
संवैधानिक प्रावधान अनुसार जेठ १५ गते बजेट प्रस्तुत गर्नुपर्ने छ । संसद सचिवालयले सार्वजनिक गरेको कार्यसूचीमा अर्थमन्त्री शर्माले आर्थिक विधेयक, विनियोजन विधेयक, राष्ट्र ऋण उठाउने विधेयक र ऋण तथा जमानत विधेयक पनि पेस गर्ने कार्यक्रम रहेको छ ।
