काठमाडौं । जनता समाजवादी पार्टी (जसपा)का नेता राजेन्द्र शेष्ठले नेकपा एमालेका नेता केपी शर्मा ओलीप्रति कटाक्ष गरेका छन् ।
पाँच दलीय गठबन्धनले बिहीबार चितवनको भरतपुरमा आयोजना गरेको आमसभालाई सम्बोधन गर्दै उनले जनताले स्थानीय र प्रतिनिधि सभा चुनावमा नेकपा एमालेलाई विश्वास गरेर मत दिएको तर सो पार्टीका अध्यक्ष केपी शर्मा ओलीले भने संविधानको हत्या गरेको आरोप लगाएका हुन् ।
नेता श्रेष्ठले भने ‘ओलीले दुईपटक संसद विघटन त गरे पुनस्र्थापना भइसकेपछि पनि प्रतिशोधको भावनाले संसदलाई बन्धक बनाए । दुधलाई कुर्न बिरालोलाई साक्षी राखेजस्तो भयो । जब बिरालोलाई दुध कुर्न लगाइन्छ त्यसले सबै दुध खाइदिन्छ । त्यसरी नै ओलीले संविधान, लोकतन्त्र, संघियता खान खोजे ।’
