काठमाडौंः इन्डियन प्रिमियर लिग क्रिकेट (आइपिएल) मा यसै वर्ष प्रवेश गरेको नयाँ टिम गुजरात टाइटन्सले उत्कृष्ट प्रदर्शन जारी राखेको छ । बुधबार साँझ भएको खेलमा गुजरातले सनराइजर्स हैदराबादलाई पाँच विकेटले पराजित गरेको छ ।
जितका लागि १९६ रनको विशाल लक्ष्य पाएको गुजरातले २० ओभरको अन्तिम बलमा छक्का हानेर पुरा गरेको थियो । गुजरातका लागि रसिद खानले अन्तिम ओभरको अन्तिम दुई बलमा लगातार छक्का प्रहार गरेर सनराइजर्सलाई हिस्स पारेका थिए ।
सनराइजर्सका युवा बलर जान्सेनको अन्तिम ओभरमा राहुल टेबटिया र रसिदले २५ रन जोडेका थिए जसमा रसिदले ३ तथा राहुल टेबटियाले १ छक्का प्रहार गरेका थिए ।
यसअघि गुजरातले टस जितेर पहिले फिल्डिङ रोजेको थियो । सनराइजर्सले सुधारिएको खेल देखाउँदै २० ओभरमा ५ विकेट गुमाएर १९६ रनको विशाल लक्ष्य प्रस्तुत गरेको थियो । सनराइजर्सका लागि अभिशेक शर्माले ६५, एडन मार्करामले ५६ तथा अन्त्यतिर आएका शशांक सिंहले ६ बलमा २५ रन बनाएका थिए ।
गुजरातका लागि हृद्दीमन साहले ६८, राहुल टेबटियाले ४० रन बनाएका थिए ।
यो जितसँगै गुजरात टाइटन्स फेरि अंक तालिकाको शीर्ष स्थानमा उक्लेको छ । आठ खेल खेलेको गुजरातले ७ वटामा विजयी हुँदै १४ अंक बटुलेको छ भने दोस्रो स्थानमा रहेको राजस्थान रोयल्सको १२ अंक छ ।
सनराइजर्स हैदराबादको भने ८ खेलबाट १० अंक सहित तेस्रो स्थानमा छ ।
