काठमाडौं । प्रदेश समितिको निर्णयलाई उल्ट्याउँदै कांग्रेस केन्द्रीय संसदीय बोर्डले मेचीनगर नगरपालिकाको प्रमुखमा इन्द्रबहादुर बुढाथोकीलाई उम्मेदवार बनाउने निर्णय गरेको छ ।
प्रदेश संसदीय समितिले जिल्ला उपसभापति केशवराज पाण्डेलाई टिकट दिएको थियो । तर उनको टिकट खोसेर बुढाथोकी कांग्रेसको आधिकारिक उम्मेदवार भएको सभापति शेरबहादुर देउवाले प्रमाणित गरेका छन् ।
पार्टी महामन्त्री विश्वप्रकाश शर्माको गृहनगर समेत रहेको मेचीनगरको प्रमुखको टिकट प्रदेश समितिले जिल्ला उपसभापति केशवराज पाण्डेलाई दिएको थियो । उनले हस्तक्षेप गरेपछि बुढाथोकीलाई मेचीनगर प्रमुखको उम्मेदवार बनाइएको हो ।
पाण्डे नेता कृष्णप्रसाद सिटौला निकट मानिन्छन् । कांग्रेस प्रदेश नं १ सभापति उद्धव थापाले पाण्डेलाई मेचीनगर प्रमुखको टिकट दिएका थिए । थापा पनि सिटौला खेमाका हुन् ।
