एजेन्सी । लिभरपुल एफए कपको फाइनलमा प्रवेश गरेको छ । शनिबार राति भएको खेलमा लिभरपुलले म्यान्चेस्टर सिटीलाई ३–२ गोलले पराजित गर्दै उपाधि नजिक पुगेको हो ।
वेम्ब्ले स्टेडियममा भएको खेलमा लिभरपुलले इब्राहिमा कोनाटेको गोलबाट नवौं मिनेटमा नै सुरुवाती अग्रता बनाएको थियो । त्यसपछि खेलको पहिलो हाफमै १७ औं र ४५ औं मिनेटमा साडियो मानेले दुई गोल गर्दै लिभरपुललाई ३–० गोलको लिडमा राखे ।
खेलका ४७ औं मिनेटमा ज्याक ग्रिलिसले गोल गर्दै सिटीलाई केही हदसम्म खेलमा फर्काए । यस्तै, ९०(१ मिनेटमा बर्नार्डो सिल्भाले गोल गरेपनि सिटीको हार टार्न सकेनन् ।
अब लिभरपुलले उपाधिका लागि आज रातिको चेल्सी र क्रिस्टल प्यालेसबीचको विजेतासँग खेल्नेछ । फाइनल खेल मे १४ मा वेम्ब्ले स्टेडियममा हुनेछ ।
