काडमाडौं– नेपाली कांग्रेसको १४औं महाधिवेशन अन्तर्गत भएका प्रदेश सभा निर्वाचन क्षेत्र स्तरिय निर्वाचनको परिणाम आउने क्रम जारी छ । कतिपय प्रदेश सभा क्षेत्रीय समितिमा भने अनौठो परिणाम प्राप्त भइरहेको छ । सबैभन्दा अनौठा त यो भएको छ कि पार्टी सभापतिको दाबी गरिरहेका कांग्रेस नेता प्रकाशमान सिंहको गढ मानिएको काठमाडौंमै कतिपय स्थानका लागि स्वयं प्रशाशमानले उम्मेदबार समेत पाएका छैनन् । अनी यहीँ अर्थात् काठमाडौँमा कतिपय प्रदेश सभा क्षेत्रीय समितिमा पार्टी सभापति शेर बहादुर देउवा समर्थितले क्लिन स्वीप गरिदिएका छन् ।
काठमाडौं संघीय निर्वाचन क्षेत्र नम्बर ९ अन्तर्गत प्रदेश सभा निर्वाचन क्षेत्र ख मा सिंह समर्थितले उम्मेदवार नै नपाएको पाइएको छ । सिंहले उम्मेदवार नै नपाएपछि उठाउन सकेनन् । त्यसपछि देउवा समर्थित राजेन्द्र प्रसाद भट्टराईको प्यानल नै प्रदेश सभा समिति निर्विरोध निर्वाचित भएको छ ।
यस्तै सोही क्षेत्रको प्रदेश सभा क क्षेत्रीय समितिमा देउवा समर्थित मोहन बस्नेत अध्यक्षमा निर्वाचित भएका छन् । उनले सिंहका उम्मेदवार कुँवेर खड्कालाई १४ मत अन्तरले पराजित गरेका छन् । उता प्रकाशमानले काठमाडौँ ९ मा कुनै पनि हालतमा आफ्ना उमेदबारले निर्वाचन जित्नु्पर्ने भन्दै धाँधली समेत गर्न लगाएका थिए । तर उनका समर्थकहरुले नै यसो नगरौँ, हामीले सकिँदैन भनेपछि प्रकाशमान ब्याक भएका थिए ।
यसले काठमाडौंमा देउवा समर्थितलाई स्थान नै नदिने प्रकाशमानको सपना चकनाचुर बनाएको छ भने आफ्नो जिल्लामा यसरी धमाधम देउवा समर्थितले स्थान लिंदै गएपछि देउवसँग पार्टी सभापतिमा प्रतिस्पर्धा गर्छु भन्ने प्रकाशमानको धरातल थप कमजोर देखिएको छ ।
उसो त वरिष्ठ नेता रामचन्द्र पौडेल गुटभित्र पार्टी सभापति को हुने भनेर आपसी लडाई झन बढेको छ । शनिबार साँझ डा. शेखर कोइराला बाहेक सभापतिको आकांक्षी पौडेल, सिंह र महामन्त्री डा. सशांक कोइरालाबीच साझा उम्मेदवार तय गर्नेबारे भएको छलफल तनावपूर्ण बन्यो । पौडेल र सिंहबीच तँ ठूलो कि म ठूलो भन्ने अहंमता प्रकट गर्ने होडनै चलेपछि संस्थापन इतर पक्षका नेताहरु बिरक्तिएका सो समूहको एक भरपर्दाे सूचना स्रोतले बतायो ।
यसले यही मंसिर २४ देखि २६ सम्म काठमाडौंमा हुने कांग्रेसको १४औं महाधिवेशनमा देउवाले पहिलो चरणमै सभापति जित्ने सम्भावना बढाएको छ । यता काठमाडौँमै देउवा प्यानलका उम्मेदबारहरु आउने र उता पौडेल भनिएका कोइराला पक्षमा उम्मेदबार को बन्ने भन्ने तनाव बढ्दै गएपछि पनि देउवालाई सजिलो हुने देखिएको छ ।
