नेपाली रजतपठका सफल निर्देशक शिव रेग्मीको निधन भएको आज १ बर्ष भएको छ । रेग्मीको निधन मंसिर २४ गते भएपनि तिथीका आधारमा आज १ बर्ष पुरा भएको हो । रेग्मीको बार्षिकीको अवसरमा जन्मथलो चितवनमा उनलाई श्रद्धाञ्जली दिने कार्यक्रम छ । यसका लागि काठमाण्डौबाट केही चलचित्रकर्मी चितवन पुगेका छन् ।
काठमाण्डौबाट द्वन्द्व निर्देशक हिमाल केसी, निर्देशक मुस्कान ढकाल, कलाकार उत्तम केसी, संगीतकार लक्ष्मण शेष लगायतका चलचित्रकर्मी चितवन पुगेका हुन् । चितवनको नारायणी कला मन्दिरमा आयोजना हुन लागेको शोक सभामा शिवलाई श्रद्धाञ्जली दिने कार्यक्रम छ । शिव रेग्मीले बनाएका आफन्त, आफ्नो मान्छे, ए मेरो हजुर, सुख दुख, हामी तीन भाइ, कहाँ भेटिएला जस्ता चलचित्र चर्चित छन् ।
