काठमाडौं । रुकुमको चौरजहारीका लागि काठमाडौंबाट उडेको ट्विन अटरका पाइलटले ड्युटी सकिएको भन्दै बिमान बिचमा नै छाडेका छन् । सोमबार दिउसो रुकुमको चौरजहारी उडेको बिमानका पाइलट पेम्बा शेर्पाले नेपालगञ्जको आकाशमा पुग्दा ड्युटी सकिएको भन्दै रुकुम नगइ नेपालगञ्जमा बिमानस्थलमा बिमान अवतरण गराए ।
काठमाडौबाट दिउसो ३ बजे आठ यात्रु लिएर गएको बिमान कुनै प्राबिधिक समस्या बिना पाइलटको सनकका भरमा नेपालगञ्ज बिमानस्थलमा अवतरण भएको थियो । तारा एयर हुँदै चार वर्ष अघि नेपाल बायूसेवा निगमको बिमान उडाउन थालेका शेर्पाले गरेको कार्य बारे नेपाल वायूसेवा निगमले छानबिन थालेको छ ।
नेपालगञ्जमा पुगेका यात्रुलाई निगमले होटलमा बस्ने व्यवस्था मिलाउदै मंगलबार बिहाननेपालगञ्जबाट रुकुम पुयाइएको छ ।
