काडमाडौं, साउन ३०÷ जापान र कोरियाले दोस्रो विश्वयुद्धको ७०औं वर्षगाँठ मनाएको छ । दोस्रो विश्वयुद्धमा पराजित भएसँगै जापानले कोरियामाथि ३५ वर्षदेखिको आफ्नो नियन्त्रण गुमाएको थियो भने कोरियाली जनताले स्वतन्त्रता पाएका थिए ।
युद्धको सम्झना गर्ने क्रममा जापानी प्रधानमन्त्रीले दोस्रो विश्वयुद्धमा आफ्नो देशको भूमिकाप्रति दुःख व्यक्त गरेका छन् भने कोरियाली जनताले स्वतन्त्रता पाएकामा खुशी मनाएका छन् । आफ्नो देशको भूमिकाप्रति अफशोच जनाउँदै प्रधानमन्त्री शिन्जो आबेले जापानका भावी पिँढीले माफी माग्नुपर्ने कुनै काम नगर्ने उल्लेख गरे । आबेले जापानले अब कहिल्यै युद्धमा विश्वास नगर्ने प्रतिवद्धता पनि जनाए । दोस्रो विश्वयुद्धमा चीन, कोरियासहितका एशियाली मुलुकमा जापानीका तर्फबाट अत्याचार भएको आरोप लाग्दै आएको छ । उता दक्षिण कोरियामा पनि विश्वयुद्धमा पाएको पीडाका साथै मुलुकले पाएको स्वतन्त्रताको सम्झनामा कार्यक्रम गरिँदै छ । सन् १९३९ को सेप्टेम्बर १ बाट शुरु भई १९४५ को सेप्टेम्बर २ मा अन्त्य भएको ६ वर्ष १ दिनको विश्वयुद्धको क्रममा ७३ करोडभन्दा बढी मानिस मारिएका थिए ।
युद्धमा एक्सिस समूहमा जापान, जर्मनी, इटालीलगायत तथा एलाइड समूहमा सोभियत रुस, चीन, बेलायत, अमेरिकालगायत मुलुक संलग्न थिए । युद्धमा एलाइड समूहले एस्किस समूहलाई हराएको थियो ।
