काठमाडौं । संसदीय उपसमितिले वाइडबडी बिमान खरिद गर्दा चरम अनियमितता भएको ठहर गरेको छ । नेपाल वायुसेवा निगमले भित्र्याएको वाइडबडी विमान खरिद प्रकरणका विषयमा छानविन गर्न बनेको समितिले आफ्नो प्रतिवेदन सो कुरा उल्लेख गरेको हो ।
सार्वजनिक लेखा समितिले तयार पारेको प्रतिवेदन अनुसार बिमानको पार्टपुर्जामा पनि अनियमितता भएको जनाएको छ ।
छानबिन गर्न गठित टोलिले पाएको १५ दिनको समयसीमा नै उपसमितिले प्रतिवेदनलाई अन्तिम रुप दिएको हो । प्रतिवेदनलाई अन्तिम रुप दिएको र चाडै लेखा समितिमा बुझाइने समितिका संयोजक राजेन्द्र केसीले जानकारी दिए ।
केसीका अनुसार अब बस्ने बैठकमा लेखा समितिले तयार पारेको प्रतिवेदन बुझाउने छ । सांसद केसीको भनाईलाई आधार मान्दा जहाज खरिद प्रकरणमा अनियमितता भएको उपसमितिले ठहर गरे कुरा बुझिन्छ । उपसमितिले विभागीय मन्त्री, सचिव, वायुसेवा निगमका अधिकारी, पूर्वमन्त्री साथै महालेखा परीक्षकको कार्यालयका अधिकारीहरुसँग समेत छलफल गरेको थियो ।
समितिकै सदस्य एवं नेकपा सांसद प्रेम आलेले जहाज खरिद प्रकरणमा अनियमितता भएको छैन भन्न सकिने ठाउँ कहिकतै नभेटिएको बताए ।
