काठमाडौं । डा.गोविन्द केसीसँग भएको सहमतिबारे सत्तारुढ नेपाल कम्युनिष्ट पार्टी (नेकपा) कारण संसदको कारणले विधेयक रोकिएको छ । आज बसेको बैठकमा सत्तारुढ दल नेकपाका नेताहरु बिच आपसी सहमति हुन नसक्दा शिक्षा तथा स्वास्थ्य समितिले चिकित्सा शिक्षा विधेयकसम्बन्धी प्रतिवेदनलाई अन्तिम रुप दिन नसकेको हो ।
बैठकमा सभापतिले प्रतिवेदन पास भयो भन्नसाथ विपक्षी नेपाली कांग्रेसका सांसद गगन थापाले केहीबुँदामाथि असहमति जनाएका थिउ । उनले प्रतिवेदन डा. केसी बिरुद्द आएको भन्दै फरक मत राख्ने जनाएका थिए । साथै पास फेल भन्नुपूर्व उपसमिति वा समितिमध्ये कहाँ मतदान गर्ने भनेपछि केहीवेर प्रक्रियाको खोजी भयो ।
त्यही बीचमा सांसदहरुले फरक मत राखेर जाँदा समस्या झन बल्झिने भन्दै ध्यानाकर्षण गराएपछि शिक्षामन्त्री गिरिराजमणि पोखरेलले सहमतिअनुसार नै विधेयक आओस् भन्दै बाहिरीएका थिए ।
उपसमितिका सदस्यहरुबीच फेरि अनौपरिक छलफल सुरु भएको छ र समिति सभापति जयपुरी घर्तीले डा. केसीलाई भोलिको बैठकसम्म पर्खन आग्रह गरेकी छन् ।
शिक्षा तथा स्वास्थ्य समिति र मातहतको उपसमिति लामो समयदेखि चिकित्सा शिक्षा विधेयकको छलफलमा छ तर, डा. केसीसँग भएको सहमतिबारे सत्तारुढ नेकपाभित्रको फरक धारणाले त्यसलाई टुंगोमा पुग्नबाट रोकिराखेको छ । ‘कांग्रेसले डा.केसीसँग भएको सहमतिअनुसार हुनुपर्छ भनेको छ, सकियो’, समितिका एक सदस्य भन्छन्, ‘तर, नेकपाका नेता पिच्छे फरक धारणा छ । भएको पास नभएको स्रोतले जनाएको छ ।
