काठमाडौँ । इंग्लिस प्रिमियर लिग फुटबलमा लिभरपुलको अपराजित यात्रा टुंगिएको छ ।
गएराति भएको खेलमा लिभरपुललाई म्यानचेस्टर सिटीले २–१ ले हराउदै अपराजित यात्रा टुंगाएको हो । खेलमा सिटीका लागि सर्जियो अगुएरो र लेरोए सानेले एक–एक गोल गरे ।
लिभरपुलकालागि रोबर्टो फर्मिनोले एक गोल फर्काए पनि जितको लागि प्रयाप्त भएन ।
खेलको ४०औं मिनेटमा अगुइरोले गोल गर्दै सिटीलाई अग्रता दिलाएका थिए । पहिलो हाफमा एक गोलले अघि रहेको सिटीले दोस्रो हाफमा थप एक गोल गर्दा एक गोल खान पुगेको थियो ।
खेलको ६४औं मिनेटमा फिरमिन्होले गोल गर्दै लिभरपुललाई १–१ गोलको स्थितिमा ल्याएका थिए । तर ७२औं मिनेटमा लिभरपुलले अर्को गोल खान पुग्यो । यो पटकभने सानेले गोल गर्दै सिटीलाई २–१ गोलको अग्रता दिलाए । बाँकी समयमा लिभरपुलले गोल गर्ने अवसर पाएपनि सदुपयोग गर्न नसक्दा हार ब्यहोरेको हो ।
जितसँगै म्यान्चेस्टर सिटीले लिभरपुलसँगको चार अंकको अन्तर कायम गरेको छ । लिभरपुलको २१ खेलबाट ५४ अंक छ भने सिटी ५० अंकका साथ दोस्रो स्थानमा छ । तेस्रो स्थानको टोटनह्याम हट्सपरको ४८ अंक छ ।
४४ अंकका साथ चेल्सी चौथो, ४१ अंकका साथ आर्सनल पाँचौ तथा ३८ अंकका साथ म्यान्चेस्टर युनाईटेड छैटौं स्थानमा छन् ।
