पुस । कम्युनिष्ट सरकारका बाहालवाला मन्त्री रवीन्द्र अधिकारी र महाप्रबन्धक सुगतरत्न कंशकारलाई जोगाए सरकार नै धरापमा पर्ने देखिएको छ ।
बिहीबार राति प्राईम टाईम्स टेलिभिजनबाट प्रशारण भएको “जनता जान्न चाहन्छन्” कार्यक्रममा छानबिन गर्न गठित संसदीय छानबिन उपसमितिका सदस्य यादवले विमान खरिदमा ठूलो घोटाला भएको भन्दै बहालवाला तत्काल बर्खास्त गरी जेल हाल्नुपर्ने बताएका छन् ।
यो प्रकरणमा आफूहरुले बास्तविक सत्य तथ्य बाहिर ल्याईसकेकोले अब मन्त्री अधिकारीलाई जो कसैले बचाउन नसक्ने उनको दाबि थियो । उनले वर्तमान प्रधानमन्त्री केपी शर्मा ओली नेतृत्वको सरकारले अधिकारीलाइ बचाउन खाजे सरकारनै ढालिदिने चेतावनी दिएका थिए ।
उक्त कार्यक्रममा सत्तारुढ दल संघीय समाजवादी फोरम नेपालका नेता समेत रहेका सांसद यादवले भ्रष्टाचारीलाई कुनैपनि हालतमा उन्मुक्ति दिन नहुने धारणा राखे ।
