काठमाडौँ । प्रमुख प्रतिपक्षी दल नेपाली कांग्रेसले आईतबार प्रधानमन्त्री केपी शर्मा ओलीले संसद बैठकमा राखेका भनाई प्रति सभामुख कृष्ण बहादुर महराले गलत कदम चालेको भन्दै संसद अबरुद्ध गर्ने भएको छ ।
आईतबार संसदमा सभामुख महराले सिमित संख्यामा मात्र बोल्नुपर्ने र समय जम्मा १ मिनेट छुट्याउने बताएपछि उनीहरु थप आक्रोशित बनेका हुन्। कांग्रेसका सांसदहरुले बैठक अवरुद्ध गरेपछि संसद भबन तनावग्रस्त भएको थियो।
प्रधानमन्त्रीसँग प्रश्न गर्न समिति सांसदका लागि मात्र १ मिनेट समय मात्रै छुट्याइएको भन्दै आक्रोशित बनेका कांग्रेस युवा नेता गगन थापासहित अन्य सांसदहरु रोष्टम घेर्न पुगेका थिए । उनिहरुले बिराध गरेपछि सभामुख कृष्णबहादुर महराले १५ मिनेटको लागि बैठक स्थगित भएको घोषणा गरेका थिए।
त्यसपछि बैठकमा सहमति जुटाएर सदनको कार्वाही अगाडी बढाउने प्रयास गरिएपनि कांग्रेसले आफ्नो अडान यथावत राखेपछि सूचना टाँस गरि बैठक आगामी बुधबार १ बजेसम्मका लागि स्थगित गरिएको थियो।
बैठकबाट निस्किने क्रममा संचारमध्यमसँग कुरा गर्दै कांग्रेस सांसद गगन कुमार थापाले संसदभित्र सभामुख महराको हुकुमी शैली भएको भन्दै तत्काल यस्तो गलत कदम सच्याउन आग्रह गरेका थिए।
सांसद थापाले सभामुखको कदम गलत र एकपक्षिय भएको भन्दै उक्त कदम नसच्चिएसम्म सदनको काम कार्वाही अघि बढ्न नदिने चेतावानी दिएका छन्।
