काठमाडौँ । नेपालले भारतसँग ७ डिब्बासहितको रेल खरिद गर्न लागेको छ । नेपालले उक्त रेल भारतको जयनगरदेखि जनकपुरसम्म (३५ कि.मी) सञ्चालन गर्न लागेको हो ।
डिजेलबाट चल्ने उक्त रेल ल्याउनका लागि नेपालले आगामी १५ भित्रमा भारतसँग खरिद सम्झौता गर्ने योजना बनाएको रेल बे बिभागले जनाएको छ ।
रेल चल्दै गर्दा उक्त रेलबाट नै विजुली उत्पादन हुनेछ । रेलमा एकै पटकमा १३ सय जना यात्रु सवार हुन सक्ने छन् ।
७ डिब्बामध्ये दुई वटा डिब्बा इन्जिन जडित हुनेछ भने ५ डिब्बामा यात्रुको सेवामा राखिनेछ ।
अब खरिद प्रकियामा कुनै बिवाद नआए अबको १५ दिनभित्र रेल खरिद सम्झौता हुने गरी रेलको मूल्यका बारेमा छलफल चलाउने बिभागले जनाएको छ । यसकारण अबको १ महिनाभित्र जयनगर–जनकपुरमा नेपालको आफ्नै रेल सञ्चालन हुनेछ ।
आफ्नै स्वामित्वको भएकाले त्यो रेलमा नेपालको झण्डा हुनेछ। नेपाली रेल भएपनि सञ्चालन भने प्राविधिक टोललीको सहयोगमा हुनेछ।
रेलका ड्राइभरदेखि मर्मत गर्ने मिस्त्री तथा इन्जिनियर पनि भारतका नै हुनेछन्। उनीहरुलाई आवस्यक तलब–सुविधा नेपाल सरकारले नै दिनेछ।
