काठमाडौं । बार्सिलोना युरोपियन च्याम्पियन लिगको सेमिफाइनलमा प्रबेश गरेको छ । गएराति घरेलुु मैदान क्याम्प नाउमा भएको खेलमा ईग्लिस कल्ब म्यान्चेस्टर युनाईटेडलाई ३-० गोल अन्तरले पराजित गर्दै बार्सिलोना सेमिफाइनलमा पुगेको हो।
बार्सिलोनाको जितमा कप्तान लियोनल मेस्सीले दुई तथा फिलिपे कोउटिन्होले एक गोल गरे ।
खेल शुरु भएको १६ औं मिनेटमा मेस्सीले गोल गर्दै बार्सिलोनालाई अग्रता दिलाएको थियो । त्यसको ४ मिनेटपछि नै मेस्सीले व्यक्तिगत दोस्रो गोल गर्दै अग्रता देब्बर बनाए ।
पहिलो हाफमा २ गोल गरेको बार्सिलोनाले दोस्रो हाफमा एक गोल थपे । खेलको ६१औं मिनेटमा फिलिपे कोउटिन्होले गोल गर्दै ३–० गोल अग्रता बनायो । जोर्डी अल्वाको पासमा गोल कोउटिन्हो गोल गरे । त्यसपछि बाँकी समयमा दुवै पक्षबाट गोल हुन सकेन ।
यो जितसँगै बार्सिलोना समग्रमा ४–० को जितले सेमिफाइनल पुगेको छ । यसअघि युनाइटेडको घरेलु मैदानमा भएको खेलमा बार्सिलोना ०–१ ले विजयी भएको थियो ।
अब सेमिफाइनलमा बार्सिलोनाको भेट लिभरपुल र पोर्टोमध्ये एकसँग भेट हुने छ । आज राति लिभरपुल र पोर्टोबीच खेल हुँदैछ । सो खेलाबाट विजयी भएको टोलीसँग सेमिफाइनलमा बार्सिलोनाको भेट हुने छ ।
