काठमाडौं। बुधबार राति भएको खेलमा वेरडर ब्रेमेनलाई पराजिवत गर्दै साविकको विजेता बायर्न म्युनिख जर्मन कपको फाइनलमा प्रवेश गरेको छ । ब्रेमेनलाई ३–२ गो अन्तरले पराजित गर्दै बायर्नले जर्मन कपको फाइनलमा आरबी लेपिजिजसँग भेट पक्का गरेको हो ।
आरबी लेपिजिज यस अघि नै जमर्न कपको फाइनलमा प्रवेश गरिसकेको छ । अब बायर्नले उपाधिका लागि २६ मे मा आरबी लेपिजिजसँग प्रतिस्पर्धा गर्नेछ । आरबी लेपिजिजले ह्यामवर्गर एसभीलाई ३–१ ले पराजित गर्दै फाइनलमा स्थान सुरक्षिगत गरेको थियो ।
बायर्नको कठिन जितमा रोबर्ट लेवान्डोस्कीले दुई र थोमस मुलरले एक गोल गरे। वेरडरका लागि युया ओसाको र मिलोट रासिकाले एक एक गोल गरे ।
पहिलो हाफमा एक गोल गरेको बायर्नले दोस्रो हाफमा दुई गोल गर्यो । पहिलो हाफमा कुनै गोल नगरेको वेरडरले दोस्रो हाफमा दुई गोल गर्यो । खेल शुरु भएको ३६औं मिनेटमा रोबर्टले गोल गर्दै बायर्नलाई खेलमा अग्रता दिलाए ।
पहिलो हाफमा एक गोलको अग्रता लिएको बायर्नले दोस्रो हाफको ६३औं मिनेटमा गोल गर्दै अग्रता दोब्बर बनायो । उसका लागि थोमस मुलरले गोल गरे । तर बायर्नको अग्रता धेरै समयसम्म टिक्न सकेन । वेरडरले दुई मिनेटको अन्तरमा दुई गोल गर्दै खेल २–२ गोलको बराबरीमा ल्यायो । वेरडरका युया ओसाको र मिलोटले दुई मिनेटको अन्तरमा दुई गोल गरेका थिए ।
८०औं मिनेटमा रोबर्टले पेनाल्टीमार्फत गोल गर्दै बायर्नलाई ३–२ को रोमाञ्चक जित दिलाए ।
