काठमाडौं । स्पेनिस ला लिगा च्याम्पियन स्पेनिस महारथी क्लब बार्सिलोना तीन खेल अगावै बनेको छ । आइतबार बिहान भएको खेलमा बार्सिलोनाले लेभान्टेलाई १–० ले हराउँदै तीन खेल अगावै च्याम्पियन बनेको हो ।
तीन खेल अगावै लिग च्याम्पियन बनाउनका लागि बार्सिलोनाका कप्तान लिओनल मेस्सीले एक गोल गरे । दोस्रो हाफमा मैदान छिरेको मेस्सीले खेलको ६२औं मिनेटमा बक्स भित्रबाट गोल गरेर टोलीलाई १–० को अग्रता दिलाएका थिए । अन्ततः बार्सिलोना च्याम्पियन बन्नको लागि सोही गोल निर्णायक गोल बन्यो ।
मेस्सी दोस्रो हाफको सुरुमै फिलिपे कौटिन्होको स्थानमा मैदान प्रवेश गरेका थिए । उनले खेलको ६६औं मिनेटमा आर्टुरो भिडालको पासमा गोल गर्न सफल भएका थिए ।
बार्सिलोनाले दोस्रो स्थानमा रहेको एट्लेटिको मड्रिडलाई ९ अंकले पछि पारेको छ । लेभान्टेलाई हराएपछि बार्सिलोनाले लिगको ३५ खेलमा कूल ८३ अंक बनाएको छ भने दोस्रो स्थानको एट्लेटिको मड्रिको समान खेलबाट ७४ अंक रहेको छ ।
अब लिगका तीनवटा खेल बाँकी छ । बाँकी भएको ३ वटै खेलमा बार्सिलोना पराजित भए पनि दोस्रो स्थानको एथ्लेटिको मड्रिडले बाँकी ३ वटै खेल जित्दा अंक बराबरी हुनेछ । अंक बराबरी हुँदा बार्सिलोना गोलअन्तरमा अघि रहने भएपछि बार्सिलोनाले ३ खेलअघि नै लिग जितेको हो ।
बार्सिलोनाको यो उपाधि पछिल्लो ११ वर्षमा आठौं हो भने समग्रमा २६औं उपाधि हो । समग्रमा २६औं लिग उपाधि हो । ला लिगा सर्वाधिक धेरै रियल मड्रिडले ३३ पटक जितेको छ ।
