‘पशुपती प्रसाद’ र ‘धनपति’ जस्ता राम्रो फिल्म बनाइसकेका निर्देशक दीपेन्द्र के खनालले नयाँ फिल्म ‘आमा’ बनाउने घोषणा गरेका छन् ।
हीरासिंह खत्रीले वि.सं. २०२० मा यो फिल्मको नाम नै राखेर पुनः खनालले उक्त फिल्म बनाउने निर्णय गरेका हुन् । उनले राजधानीमा एक कार्यक्रमका बीच फिल्म ‘आमा’को औपचारिक निर्माण समेत घोषणा गरेका छन् ।
फिल्म निर्माणमा बिभिन्न बिषय र प्रबिधि प्रयोग गरेर प्रयोगवादी निर्देशकको रुपमा समेत आफुलाई प्रमाणीत गरेका निर्देशक खनालले यो फिल्म आफ्नै लेखन, निर्देशक र छाँयाकनमा तयार गर्न लागेका हुन् ।
एक आमा र छोरीको बिचको सम्बन्धमा फिल्म ‘आमा’ बनाउन लागेको निर्देशक खनालले कार्यक्रममा बताए ।
काठमाडौं र रामेछापमा छायांकन हुने फिल्मको सह–निर्मातामा सन्तोष अधिकारी रहेका छन् ।निर्माण शर्मिला पाण्डे निर्माण गर्न लागेको फिल्मको शिर्ष अर्थात ‘आमा’को भुमिकामा कलाकार सुर्यमाला खनाल रहेकी छन् ।
भुपेन्द्र खड्काको गीत रहेको फिल्ममा देशभक्त खनाल, सरिता गिरी, आशान्त शर्मा, मनिष निरौला, पदम बुढा लगायतको अभिनय रहनेछ ।
