काठमाडौं । नेपाली काँग्रेसका नेता तथा १४ औँ महाधिवेशनमा महामन्त्रीका उम्मेदवार गगनकुमार थापाले आगामी निर्वाचनमा पार्टीलाई जिताउन १२ लाख मतदाताको मन जित्न सक्नुपर्ने बतउनु भएको छ ।
आईतवार काठमाडौंमा आयोजित पत्रकार सम्मेलनमा बोल्दै नेता थापाले आगामी निर्वाचनमा पार्टीलाई जिताउन १२ लाख मतदाताको मन जित्न सक्नुपर्ने बतउनु भएको हो । उहाँले पार्टीलाई निर्वाचनमा जिताउन सही नेता र नेतृत्वको आवश्यक रहेको बताउनु भयो । नेता थापाले काँग्रेस उज्यालो देखिने गरी आफू सहभागी नेतृत्वले काम गर्ने प्रतिवद्धता समेत व्यक्त गर्नुभयो ।
नेता थापाले भन्नुभयो, ‘यो अधिवेशन सकिनासाथ हामी अधिवेशनका सबै प्रतिनिधिहरु आ आफ्नो घर जान्छौँ । यो अधिवेशनको प्रक्रियामा करिव ९ लाख भन्दा बढी क्रियाशील सदस्यहरु सहभागि हुनुभएको छ र जसले क्रियाशील सदस्यता लिनुभयो, वडामा सहभागी हुनुभयो र विभिन्न तहमा प्रतियोगीहरु छान्नुभएको छ । यो सकिसकेपछि पार्टीलाई सुदृढ बनाउने, बलियो बनाउँछौँ । त्यसपछि हामी पार्टीलाई निर्वाचनमा लिएर जान्छौँ ।
पार्टी निर्वाचनमा जाँदै गर्दा सबै पार्टीको सदस्यलाई सोध्यो भने निर्वाचन हामी जित्नु पर्छ भन्छन् । अघि शेखर दाईले भन्नुभयो, गठबन्धन सरकारलाई लिएर निर्वाचनसम्म जाने हो । निर्वाचन एक्लै लड्ने हो जित्ने हो । तर हाम्रो गणितले हामीलाई के भन्छ भने नेपालमा कम्युनिष्ट पार्टी मिलेको अवस्था हे¥यौं, क्षेत्रिय पार्टी मिलेको अवस्था हे¥यौं, नेपाली काँग्रेसले अरु सबै बिर्सिएर निर्वाचनको मात्रै चर्चा गर्ने हो भने निर्वाचन एक्लै जित्ने हो भने अहिले भएको मतदातामा करिव १०÷१२ लाख अरु मतदाता थप्नुपर्छ । त्यसका लागि काँग्रेसमा यस्तो नेता चाहियो, जसलाई नेता र नेतृत्व यो भनेर हेर्दै गर्दा बाहिरका मानिसलाई काँग्रेसमा आउँ आउँ लागोस् ।’
नेता थापाले सफा, पवित्र र निश्चल काँग्रेस शेखर कोईरालाको नेतृत्वमा देखिने भएकोले आफूलाई जिताउन आग्रह गर्नुभयो ।
