काठमाडौं । नेपाली कांग्रेसको १४ औं महाधिवेशनमा सभापति पदमा उम्मेदवार दिएका कल्याण गुरूङले पनि दोस्रो चरणमा शेरबहादुर देउवालाई समर्थन गर्ने भएका छन् ।
पहिलो चरणमा २२ मत ल्याएका गुरूङले दोस्रो चरणमा देउवालाई सघाउने भएका हुन् ।
उनले साथीहरूसँग सल्लाह गरेर चुनावमा पहिलो हुनेलाई नै समर्थन गर्ने निर्णय भएपछि देउवालाई सघाउने निर्णय लिएको बताए ।
यसअघि सभापतिका दुई उम्मेदवार प्रकाशमान सिंह र विमलेन्द्र निधिले पनि देउवालाई समर्थन गर्ने घोषणा गरिसकेका छन् ।
कांग्रेसको केन्द्रीय निर्वाचन समितिले सभापति पदका प्रत्यासी मध्ये कसैले पनि कुल खसेको मतको ५१ प्रतिशत ल्याउन नसकेपछि आजै अपराह्न ३ः३० देखि साँझ ७ः३० बजेसम्म पुनः मतदान गर्ने तयारी गरेको छ । सभापति पदको मतगणना आज विहान सम्पन्न भएको थियो । पुनः मतदान हुँदा बढीमत प्राप्त गर्ने उम्मेदवार विजयी हुनेछ ।
