काठमाडौं । हिन्दी समाचार च्यानल एनडीटीभी इन्डियाका सबैभन्दा लोकप्रिय अनुहार तथा वरिष्ठ पत्रकार रविश कुमारलाई प्रतिष्ठित रेमन म्यागसेसे सम्मान प्रदान गरिएको छ ।
अवार्ड प्रदान गर्ने संस्थानले रविश कुमारले आफ्नो पत्रकारितामार्फत् उपेक्षा गरिएका व्यक्तिहरुको आवाजलाई मूलधारमा ल्याएको बताएको छ । रेमन म्यागसेसे संस्थानले भनेको छ, ‘यदि तपाईं मानिसको आवाज बन्नुहुन्छ भने तपाईं पत्रकार हो ।’
यो सम्मान एशियामा साहसिक र परिवर्तनकारी नेतृत्वका लागि दिइन्छ ।रविशबाहेक सन् २०१९ को म्यागसेसे अवार्ड म्यान्मारका को स्वे विन, थाइल्याण्डको अंगखाना निलापाइजित, फिलिपिन्सका रेमुन्डो पुजान्ते र दक्षिण कोरियाका किम जोंग–कीलाई पनि प्रदान गरिएको छ ।