काठमाडौं । पर्सामा भारतीय मोटरसाइकलको ठक्करबाट एकजनाको मृत्यु भएको छ ।
विन्दवासिनी गाउँपालिका–५ प्रसौनीभाठा चौकमा भारत बिहारको पूर्वी चम्पारण ग्राम पंचायत मोतिहारी बेलासपुर–४ का प्रयाद यादवले चलाएका बीआर२२पी ९८८७ नम्बरको माटरसाइकलको ठक्करबाट विन्दवासिनी गाउँपालिका–५ मुसहर्वाका ६५ वर्षीय भीम दासको मृत्यु भएको हो ।
प्रहरीका अनुसार दास गम्भीर घाइते भएका थिए । गम्भीर घाइते भएका दासलाई नेशनल मेडिकल कलेजमा लैजाँदै गर्दा बाटोमै मृत्यु भएको हो ।
ठक्कर दिने मोटरसाइकल चालक यादवलाई नियन्त्रणमा लिइ थप अनुसन्धान गरिरहेको प्रहरीले बताएको छ ।
