चलचित्र ‘षट्कोण’ निर्माण हुने भएको छ । आइतबार काठमाडौंमा एक कार्यक्रमको आयोजना गर्दै चलचित्रको औपचारिक निर्माण घोषणा गरिएको हो ।
तीन युवाको मनोविज्ञानमा आधारित रहेर निर्माण हुने यो चलचित्रलाई मिलन डी काप्रीले निर्देशन गर्नेछन् ।
चलचित्रको मुख्य भूमिकामा कलाकार कर्मा, भोलाराज सापकोटा र लोकेन्द्र लेखक देखिदैछन् । कर्मा यो चलचित्रमा पत्रकारको भूमिकामा देखिदैछन् ।
चलचित्रमा यी तीन कलाकार बाहेक विराज कडरिया र शिशिर वानेमको पनि मुख्य भूमिका छ । महिला कलाकार भने फाइनल हुन बाँकी भएको निर्माण पक्षले बताएको छ ।
क्लेमेन्टाइन प्रोडक्सनको व्यानरमा निर्माण हुने चलचित्रमा शिशिर वनेमको कथा तथा पटकथा छ । चलचित्रको संवाद महेश दवाडीले तयार गरेका हुन् । आङछेन लामाले खिच्ने चलचित्र भदौ १८ गतेबाट फ्लोरमा जानेछ ।
