काठमाडौं । नेपाली कांग्रेसका संसदीय दलका नेता भीष्मराज आङ्देम्बेले पार्टीको विधान संशोधन गरी उपसभापतिको संख्या तीन पुर्याइए उपसभापति पदमा उम्मेदवारी दिने तयारी गरेका छन्।
कांग्रेसको १५औँ महाधिवेशन नजिकिँदै गर्दा विधान संशोधनमार्फत पदाधिकारीको संख्या बढाउने विषयमा छलफल भइरहेका बेला आङ्देम्बेको उम्मेदवारीबारे उनको निकट स्रोतले जानकारी दिएको हो।
स्रोतका अनुसार विधान संशोधन गरेर तीन जना उपसभापतिको व्यवस्था भए आङ्देम्बे सोही पदमा उम्मेदवार बन्नेछन्। कांग्रेसको वर्तमान विधानमा दुई जना उपसभापतिको व्यवस्था रहेको छ।
आङ्देम्बे यसअघि कांग्रेसका सहमहामन्त्रीसमेत भइसकेका छन्। हाल उनी पार्टीको संसदीय दलको नेतृत्व गरिरहेका छन्। संसदीय दलको नेता बनेपछि १५औँ महाधिवेशनमा उनी कुन पदमा प्रतिस्पर्धा गर्नेछन् भन्ने विषयमा कांग्रेसभित्र चासो रहँदै आएको थियो।
महाधिवेशनमा पदाधिकारीको संख्या थप गर्ने विषयमा छलफल अघि बढेपछि आङ्देम्बेको उम्मेदवारीको तयारी पनि स्पष्ट हुँदै गएको हो।
