काठमाडौं । काठमाडौंस्थित रत्न राज्यलक्ष्मी (आरआर) क्याम्पस अगाडि ग्यास अभावको विरोधमा नेकपा निकट विद्यार्थी संगठनका कार्यकर्ताले सडकमा दाउरा बालेर खाना पकाउँदै सांकेतिक प्रदर्शन गरेका छन्।
पछिल्लो समय बजारमा देखिएको ग्यास अभावप्रति सरकारको ध्यानाकर्षण गराउन विद्यार्थीहरूले सडकमा दाउरा बालेर खाना पकाउँदै विरोध जनाएका हुन्।
विद्यार्थी संगठनले ग्यासको सहज आपूर्ति सुनिश्चित गर्न तथा आम उपभोक्ताले भोगिरहेको समस्याको तत्काल समाधान गर्न सरकारसँग माग गरेको छ। प्रदर्शनका क्रममा उनीहरूले ग्यास अभावका कारण सर्वसाधारणले परम्परागत इन्धन प्रयोग गर्नुपर्ने अवस्था आएको भन्दै सरकारको ध्यानाकर्षण गराएका थिए।
