काठमाडौं । भोटेकोशी बाढी आएको १३औँ दिन राष्ट्रपति रामचन्द्र पौडेल बाढी प्रभावित क्षेत्रको स्थलगत निरीक्षणका लागि नुवाकोट जान लागेका छन्।
राष्ट्रपति पौडेल केहीबेरमा हेलिकप्टरमार्फत नुवाकोटको विदुरस्थित मैथिल ब्यारेक पुग्ने कार्यक्रम रहेको छ। त्यहाँबाट उहाँले बाढी प्रभावित क्षेत्रमा भइरहेको उद्धार तथा राहत कार्यको अवस्थाबारे जानकारी लिनेछन्।
त्यसपछि राष्ट्रपति पौडेल नजिकै रहेको होल्डिङ सेन्टरमा आश्रय लिइरहेका बाढीपीडितहरूसँग भेट गरी उनीहरूको अवस्था बुझ्ने तथा सान्त्वना दिने कार्यक्रम रहेको बताइएको छ।
राष्ट्रपति पौडेल आजै काठमाडौं फर्किने कार्यक्रम रहेको बुझिएको छ।
