काठमाडौं । राष्ट्रिय स्वतन्त्र पार्टी (रास्वपा) का सभापति रबि लामिछानेको निर्देशनअनुसार पार्टी केन्द्रीय समितिको बैठक आइतबार भर्चुअल माध्यमबाट बस्ने भएको छ।
पार्टीले जारी गरेको सूचनाअनुसार बैठक २०८३ भदौ १४ गते आइतबार दिउँसो ४ः३० बजे बस्नेछ। बैठकमा केन्द्रीय समितिका सदस्यहरूको अनिवार्य उपस्थितिका लागि सूचित गरिएको छ।
बैठकमा पछिल्लो समय मुलुकमा देखिएको विपद्को अवस्था तथा विपद् व्यवस्थापनका बहुआयामिक पक्षका विषयमा छलफल हुने जनाइएको छ। त्यसैगरी विविध विषयमा समेत छलफल हुने कार्यसूची रहेको पार्टीले जनाएको छ।
