काठमाडौं । नेपाल कम्युनिस्ट पार्टीका सांसद खगराज अधिकारीले पेट्रोलियम पाइपलाइनको उद्घाटनपछि ऐतिहासिक युगको सुरुवात भएको बताएका छन् । मंगलबार प्रतिनिधिसभाको विशेष समयमा बोल्दै उनले पेट्रोलियम पाइपलाइन उद्घाटनप्रति सबै नेपालीहरुले गौरव गर्नुपर्ने बताएका हुन् ।
पाइपलाइनका कारण इन्धन ढुवानीको लागत घटेर मूल्य पनि घट्ने भन्दै उनले अब नेपालीले धेरै वस्तु सुपथ मूल्यमा उपभोग गर्न पाउने पनि बताए । ‘यसका निम्ति नेपाल सरकार र छिमेकी मित्रराष्ट्रराष्ट्रलाई धन्यवाद दिनुपर्छ।
यो एतिहासिक युगको सुरुवात भएकोमा हामीले गौरवको अनूभूति गर्नुपर्छ’ उनले भने । सांसद अधिकारीले अब नाकाबन्दी सदाका लागि समाप्त हुने दिन आउन लागेको बताए ।