भीमदत्तनगर । कञ्चनपुरको शुक्लाफाँटा नगरपालिका–७ का वडा अध्यक्ष जगतबहादुर सिंहको गाडीमा अज्ञात समूहले आगजनी गरेको छ ।
शुक्लाफाँटा नगरपालिकाका नगर प्रवक्तासमेत रहेका सिंहको बा २१ च ८५०७ नम्बरको कारमा आगजनी भएको हो । यहाँको शुक्लाफाँटा नगरपालिका–५ वनसमितिस्थित डेरामा पार्किङ गरी राखिएको अवस्थामा बिहीबार राति करिब १ बजेतिर आगजनी गरिएको प्रवक्ता सिंहले बताए।
इलाका प्रहरी कार्यालय झलारीका प्रमुख प्रहरी निरीक्षक नैनसिंह साउदले घटनाको गहनरूपमा अनुसन्धान भइरहेको जानकारी दिए।’मध्यरातमा आएर आगो लगाएर फरार रहेको देखिन्छ,’प्रहरी निरीक्षक साउदले भने,’आगजनी गर्ने समूहको व्यापक खोजी हुँदैछ ।’
