पाकिस्तान। पाकिस्तानको उत्तरपश्चिमी प्रान्त खैबर पख्तुनख्वामा आयोजित एक शान्ति र्याली नजिकै भएको आत्मघाती विष्फोटमा ज्यान गुमाउनेको सङ्ख्या १४ पुगेको छ ।
सार्वजनिक विवरणअनुसार उक्त घटनामा अन्य २६ जना घाइते भएका छन् । मृतकहरूमध्ये अधिकांश र्याली को सुरक्षाका लागि खटिएका प्रहरी कर्मचारीहरू रहेको प्रहरी स्रोतले जनाएको छ ।
र्याली लक्षित गरी गरिएको उक्त भीषण विष्फोटका घाइतेहरूको स्थानीय अस्पतालमा उपचार भइरहेको छ । सिन्ह्वा/न्युज एजेन्सी नेपाल
