काठमाडौं । सोमबार बिहान तीन वटा संञ्चारगृह , नेपाली काग्रेसका सभापति गगनकुमार थापाको निबासम र अनामनगरको भाटभटेनी सुपर मार्केट अगाडि एकैपटक उस्तै तरिकाले शंकास्पद गाडीहरू देखिए । आवागमनलाई नै अबरोध गर्ने नियतले ती सबारी साधनहरु त्यहाँ पार्किङ गरिएका थिए ।
बुद्धनगरस्थित अनलाइनखबर डटकमको कार्यालयको गेट अगाडि बा १२ च ८५४५ नम्बरको कार, हिमालय टेलिभिजनको गेट अगाडि बा १० च १२५५ नम्बरको कोसन्डा कार र तीनकुनेस्थित कान्तिपुर मिडिया हाउसको गेट अगाडि बा. प्रदेश ०१–०३४ च ८४८० नम्बरको कार र थापाको रातोपुलस्थित निवास अगाडि बीएसी ९५७५ नम्बरको गाडी राखिएको थियो ।
घटनाबारे काठमाडौं उपत्यका ट्राफिक प्रहरी कार्यालय रामशाहपथ र जिल्ला प्रहरी परिसर काठमाडौंलाई सम्बन्धित कार्यलयले जानकारी गराएपनि प्रहरीको तदारुकता पनि स्वभाबिक देखिएको थिएन । यी गाडी कसले किन राख्यो भन्नेबारे प्रहरीले औपचारिक रुपमा केही जानकारी गराएको छैन ।
तर यी सबै घटनामा सत्तारुढदल रास्वपा नै जोडिएका आशंका गरिएको छ । रास्वपाले नै निकालेको बिज्ञप्तिमा पनि ‘सञ्चारकर्मीहरुले निर्भिक रुपमा काम गर्ने वातावरणमाथि धावा बोल्न वा उनीहरुलाई मनोवैज्ञानिक दवावमा राख्न गरिएको शंकास्पद र रहस्यमयी गतिविधि’ भनेर जनाएको छ ।
ती गाडीहरु रास्वपाकै कार्यकर्ताहरु को भएको प्रमाणहरु सार्वजनिक भएका छन् ।
घटना पछि कसले के भने ?
पत्रकार एबं बिश्लेषक सुधीर शर्माको टिप्पणी यस्तो छ -यो घट्नालाई सत्तारुढ रास्वपा स्वयंले ‘सञ्चारकर्मीहरुले निर्भिक रुपमा काम गर्ने वातावरणमाथि धावा बोल्न वा उनीहरुलाई मनोवैज्ञानिक दवावमा राख्न गरिएको शंकास्पद र रहस्यमयी गतिविधि’ भनेको छ । सरकार रास्वपाकै छ, उससँग सूचना पनि होला, त्यसैले आधिकारिक वक्तव्यमै यति भनिसकेपछि त्यो शंकास्पद गतिविधि कसले गरेको रहेछ ? यो कुरा पनि खुलाइदिए उत्तम हुन्थ्यो ।
यो किन पनि भने, त्यसरी शंकास्पद ढंगबाट राखिएको एउटा गाडीका मालिक त रास्वपाकै नेता रहेछन् ।
उहाँले लेख्नुभएको छ
आज बिहानैबाट कान्तिपुर, अनलाइनखबर, हिमालय टिभीलगायतका सञ्चार–गृह एवं प्रतिपक्षी पार्टीका प्रमुख गगन थापाको घरमा एकसाथ गाडी तेर्स्याएर जुन प्रायोजित नाटक मञ्चन गरियो, त्यसको खास उद्देश्य प्रश्न गर्नेहरुको मुख थुन्नु थियो । अर्को उद्देश्यचाहिं, diversionary tactics सँग सम्बन्धित देखिन्छ ।
यो घट्नालाई सत्तारुढ रास्वपा स्वयंले ‘सञ्चारकर्मीहरुले निर्भिक रुपमा काम गर्ने वातावरणमाथि धावा बोल्न वा उनीहरुलाई मनोवैज्ञानिक दवावमा राख्न गरिएको शंकास्पद र रहस्यमयी गतिविधि’ भनेको छ । सरकार रास्वपाकै छ, उससँग सूचना पनि होला, त्यसैले आधिकारिक वक्तव्यमै यति भनिसकेपछि त्यो शंकास्पद गतिविधि कसले गरेको रहेछ ? यो कुरा पनि खुलाइदिए उत्तम हुन्थ्यो ।
यो किन पनि भने, त्यसरी शंकास्पद ढंगबाट राखिएको एउटा गाडीका मालिक त रास्वपाकै नेता रहेछन् ।
जहाँसम्म diversionary tactics को कुरा छ, योचाहिं राजनीतिक चालबाजहरुले बेलाबखत खेल्ने पुरानै मनोवैज्ञानिक अस्त्र हो । यसको उद्देश्य हुन्छ— मुलुकमा जुन मुद्दामाथि चर्को बहस चलिरहेको हुन्छ, सरकारको आलोचना भइरहेको हुन्छ, त्यसलाई थाहै नपाई अर्कोतिर मोड्न खोज्नु !
हामीकहाँ अहिले बलपूर्वक विस्थापित सुकुम्बासीहरुको आँशुको भेल रोकिएको छैन । बागमतीदेखि कीर्तिपुर हुँदै खरिपाटी पुग्दासम्म उनीहरुको किस्ताबन्दीमा विचल्ली भइरहेको छ । सुकुम्बासीका पक्षमा आवाज उठाएको निहुँमा सक्कली जेनजी माजिद अन्सारीलाई पिट्दै, हुत्याउँदै, गालीगलौज गर्दै बिनापूर्जी कव्जामा लिइएको छ । गणेश नेपालीबाट सुरु भएको आत्मदाहको सिलसिलाले सम्पूर्ण राष्ट्र रोषमा छ ।
यी बिषयहरुले राष्ट्रिय–अन्तर्राष्ट्रिय चर्चा पाउन थालेपछि, यसैबेला गाडी–काण्ड गराएर ‘अटेन्सन डाइभर्ट’ गर्ने कोशिश गरिएको छ । सबैले थाहा पाउने गरी खुल्लमखुला ढंगबाट गरिएको यो हर्कतमार्फत् मिडियाको मुख थुन्न खोजिएको त छँदैछ ।
तर सूत्राधारहरुले कस्तो नबुझेको— यस्ता पुराना फर्मूलाहरु अब काम लाग्दैनन्, जो २०६१ माघमै आउटडेटेड भइसकेका छन् !
जेनजी अभियन्ता रक्षा बमले भने प्रधानमन्त्रीका प्रमुख सल्लाहकार कुमार बेनले चलाउने फेसबुक पेजबाट जथाभावी पार्किङले कस्तो समस्या निम्त्याउँछ भन्ने देखाउन भन्ने सन्देश दिनुले सरकारले संरक्षण गरेको समुहबाट तमासा देखाएको बताउनु भयो ।
उहाँले लेख्नु भएको छ
खनाललाई अनलाइनखबरका प्रधान सम्पादक बसन्त बस्नेतले यस्तो प्रश्न गर्नुभएको छ-
रामेश्वर सर, तपाई मैले अत्यन्तै आदर गर्ने पात्रमध्ये एक हुनुहुन्छ । ट्रोल पेजहरुले यही कुरा लेखेको भए मेरो ध्यान जाँदैनथ्यो । न्युयोर्कका ट्वीन टावरमा ठोक्किने विमान पनि पक्कै शंकास्पद थिएनन् किनभने तिनमा पनि कल साइन त पक्कै थियो । जब देशमा पछिल्ला दिनमा एकै नासले घटनाहरु घटित हुन्छन्, तिनमा जवाफदेही बहन गर्नुसाटो उल्टै प्रत्याक्रमण हुन्छ, अझ संसदसमेत त्यस्तो कर्ममा मन्चका रुपमा प्रयोग हुन्छ– मिडियाले पक्कै लेख्छ । तीनवटा मिडियामा एउटै शैलीमा गेट छेकिनु कसरी शंकास्पद भएन Rameshore सर ? बुझिनँ मैले, बुझाइदेउ कसैले ।
आफ्ना कार्यकर्ताले गरेको कार्यप्रति रास्वपाले राज्यको चौथो अंगका रूपमा स्थापित आमसञ्चारमाध्यम र सञ्चारकर्मीहरूले निर्भीक रूपमा कार्य गर्ने वातावरणमाथि धावा बोल्ने वा उनीहरूलाई मनोवैज्ञानिक दबाबमा राख्ने आशयले गरिएका यस्ता शंकास्पद र रहस्यमय गतिविधि भएको जनाएको छ ।
रास्वपाको दृष्टिकोण यस्तो छ
राज्यको चौथो अंगका रूपमा स्थापित आमसञ्चारमाध्यम र सञ्चारकर्मीहरूले निर्भीक रूपमा कार्य गर्ने वातावरणमाथि धावा बोल्ने वा उनीहरूलाई मनोवैज्ञानिक दबाबमा राख्ने आशयले गरिएका यस्ता शंकास्पद र रहस्यमय गतिविधि लोकतान्त्रिक मूल्य–मान्यताका ठाडो उल्लंघन हुन्।
यो सरकार र रास्वपाबीचको सम्बन्ध के हो? पार्टी केन्द्र र संसदीय दलको सम्बन्ध के हो?
यो सरकार पार्टीको हो कि कुनै टोले ग्याङको?
रास्वपाले आफ्नो राजनीतिक औचित्य पुष्टि गर्ने हो भने तत्काल पार्टी केन्द्रीय समितिको बैठक बोलाएर सरकारका कामहरूको समीक्षा गरोस्।
अहिलेसम्म जे–जे कमजोरी भएका छन्, त्यसका लागि प्रधानमन्त्रीलाई सचेत गराओस्, पार्टीले गरेका राजनीतिक बाचा र प्रतिबद्धता सम्झाओस् र आइन्दा जथाभावी नगर्न निर्देशन दिओस्।
अन्यथा, कि त यो सरकारसँग आफ्नो कुनै साइनो–सम्बन्ध छैन भनेर घोषणा गरोस्, कि त सरकारका पछिल्ला कामहरूको जिम्मेवारी लिओस् र जनतासँग माफी मागोस्।
रवीजी! चुपचाप बसेर समस्या समाधान हुँदैन। आफूलाई पार्टीको सभापति प्रमाणित गर।
