काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसईई) पूरक (ग्रेडवृद्धि) परीक्षाको नतिजा सार्वजनिक गरेको छ।
राष्ट्रिय परीक्षा बोर्डअन्तर्गतको परीक्षा नियन्त्रण कार्यालय (कक्षा १०)का सदस्य–सचिव जङ्गबहादुर अर्यालका अनुसार पूरक परीक्षाको नतिजा शुक्रबार सार्वजनिक गरिएको हो।
यस वर्षको एसईई पूरक परीक्षा असार १ गतेदेखि ७ गतेसम्म सञ्चालन गरिएको थियो। बोर्डका अनुसार नियमित एसईई परीक्षामा नन–ग्रेडेड भएका एक लाख ४६ हजार ५०७ परीक्षार्थी पूरक परीक्षामा सहभागी हुने योग्य थिए।
