काठमाडौं । राष्ट्रिय स्वतन्त्र पार्टीको प्रथम राष्ट्रिय महाधिवेशनअन्तर्गत केन्द्रीय समिति चयनका लागि सम्पन्न निर्वाचनमा ७६.८० प्रतिशत मतदान भएको छ।
निर्वाचन समितिका अनुसार अन्तिम प्रमाणीकरणपछि कुल ३ हजार ८५९ प्रतिनिधि मतदानका लागि योग्य ठहरिएका थिए। तीमध्ये ३ हजार ८४९ प्रतिनिधिले मतदान गरेका छन्।
यससँगै केन्द्रीय समिति चयनका लागि भएको निर्वाचनमा प्रतिनिधिहरूको उल्लेखनीय सहभागिता देखिएको निर्वाचन समितिले जनाएको छ। महाधिवेशनमार्फत पार्टीको नयाँ नेतृत्व तथा केन्द्रीय संरचना चयन गर्ने प्रक्रिया जारी रहेको छ।
