काठमाडौं: राष्ट्रिय स्वतन्त्र पार्टीले मधेश प्रदेशबाट सर्वाधिक सिट जितेर क्लिन स्वीप गर्न लागेको प्रारम्भिक रुझानबाट देखिएको छ ।
मधेश प्रदेशमा प्रत्यक्ष तर्फ कूल ३२ सिट रहेको छ । रास्वपाले परम्परागत मधेशवादी राजनीतिक दलहरु, ठूला राष्ट्रिय दलहरु नेकपा एमाले, नेपाली कम्युनिष्ट पार्टी र नेपाली काँग्रेसलाई पछि पार्दै शानदार जिततर्फ अग्रसर भएको हो ।
पछिल्लो मतपरिणाम अनुसार हाल गणना भइरहेका ३० मध्ये २८ स्थानमा रास्वपाका उम्मेदवार फराकिलो अन्तरसहित अगाडि छन् । सप्तरीका २ क्षेत्रबाट मतगणनाको विवरण प्राप्त भएको छैन । यदि यी दुई स्थानमा पनि विजयी भए रास्वपाले कम्तीमा ३२ मध्ये ३० स्थान जित्नेछ जुन पछिल्ला संसदीय चुनावमा देखिएको परिणाम भन्दा ज्यादै फरक हुनेछ ।
प्राप्त विवरण अनुसार, रास्वपाले अग्रता बनाइरहेको जिल्लागत अवस्था यस्तो छ ।
१) पर्साका चारै निर्वाचन क्षेत्र
बुद्धिप्रसाद पन्त, सुशील कुमार कानु, रामाकान्तप्रसाद चाैरसीया र टेकबहादुर शाक्य
२) बाराका चारै निर्वाचन क्षेत्र
गणेश धिमाल, चन्दन कुमार सिंह, अरबिन्द साह, रहबर अन्सारी
३) रौतहटका तीन निर्वाचन क्षेत्र
राजेश कुमार चाैधरी, रवीन्द्र पटेल, गणेश पाैडेल (एकमा एमालेका उम्मेदवारको अग्रता, महम्मद अतिउल्लाह),
४) सर्लाहीका चारै निर्वाचन क्षेत्र
अमरेश कुमार सिंह, नरेश साह कलवार, रवीन महतो र नीतिमा भण्डारी
५) महोत्तरीका चारवटै निर्वाचन क्षेत्र
प्रमोद कुमार महतो, दीपक कुमार साह, उज्जवल कुमार झा र गाैरी कुमारी
६) धनुषाका तीन निर्वाचन क्षेत्र
मनिष झा, राजकिशोर महतो र रामविनोद यादव) (धनुषा एकमा एमाले, रामचन्द्र मण्डल),
७) सिराहाका चारवटै निर्वाचन क्षेत्र
बब्लु गुप्ता, शिवशंकर यादव, शम्भु कुमार यादव र तपेश्वर यादव
८) सप्तरीका दुई निर्वाचन क्षेत्र
पुष्पा कुमार चाैधरी र सीताराम साह (२ निर्वाचन क्षेत्रको मतपरिणाम सार्वजनिक भएको छैन) ।
