काठमाडौं । पवित्र रमजान महिनाको अवसरमा नेपाल स्थित साउदी अरेबियाको दूतावासले विशेष इफ्तार कार्यक्रम आयोजना गरेको छ ।
नेपालका लागि साउदी अरबका राजदूत फहद मोहम्मद अज्मी मनिख्रले होटल सोल्टीमा आयोजना गर्नुभएको विशेष इफ्तार कार्यक्रममा श्रम तथा रोजगार मन्त्री राजेन्द्र सिंह भण्डारी सहित समारोहमा यहाँस्थित कूटनीतिक नियोगका प्रमुख तथा पदाधिकारी, नेपाल सरकारका विशिष्ट श्रेणीका कर्मचारी एवं समाजका प्रतिष्ठित व्यक्तिहरुको उपस्थिति थियो ।
रमजानको अवसरमा आयोजना गरिएको उक्त इफ्तारले साउदी अरेबिया र नेपालबीचको आपसी मित्रता, सांस्कृतिक आदान–प्रदान तथा कूटनीतिक सम्बन्धलाई थप सुदृढ बनाउने अपेक्षा गरिएको दूतावासले जनाएको छ।
रमजान महिनामा दिनभरि रोजा अर्थात् अन्न र पानी ग्रहण नगरी व्रत बसेपछि मुस्लिम समुदायले हरेक साँझ विशेष खानपिन गर्ने गर्दछन् जसलाई इफ्तार भनिन्छ ।
