एजेन्सी । बलिउडका ‘भाइजान’ सलमान खानले हालै ५९ वर्षको उमेरमा पनि उत्कृष्ट शारीरिक रूपान्तरण (ट्रान्सफर्मेशन) गरेका छन् ।
केही समयअघि केही प्रशंसकहरूले उनको फिटनेसप्रति चिन्ता व्यक्त गरेका थिए । अब अभिनेता खानले आफ्नो नयाँ रूप सार्वजनिक गर्दै बताएका छन् कि उनले केही पनि त्याग नगरी यो रूप हासिल गरेका हुन् ।
सलमानले आफ्नो आधिकारिक इन्स्टाग्राम अकाउन्टमार्फत एउटा तस्बिर सेयर गरेका छन्, जसमा उनी शर्टविहीन देखिन्छन् । तस्बिरमा उनका एब्स स्पष्ट देखिन्छन् ।
उक्त तस्बिरसँगै उनले लेखेका छन्, “केही हासिल गर्न केही त्याग्नुपर्छ। यो बिना त्यागिएको हो ।”
केही समयअघि बिग बोसको ‘वीकेंड का वार’ एपिसोडको एउटा भिडियो सार्वजनिक भएको थियो, जसमा उनी पटक–पटक शो होस्ट गर्दा कुर्सीमा टेकेर उभिएका देखिन्थे ।
भिडियो बाहिर आएपछि प्रशंसकहरू निकै चिन्तित बनेका थिए । त्यसपछि अर्को एपिसोडमा अभिनेता खानले स्पष्ट पार्दै भनेका थिए कि उनले धेरै घण्टा सुटिङ गरेका कारण थकाइ लागेको थियो ।
‘ब्याटल अफ गलवान’ मा देखिनेछन् सलमान खान
सलमान खान चाँडै नै ‘ब्याटल अफ गलवान’ नामक फिल्ममा देखिन लागेका छन् । फिल्मबाट उनको लुक पनि सार्वजनिक भइसकेको छ, जसमा सलमान खान कर्नल सन्तोष बाबुको भूमिकामा देखिएका छन् ।
